काठमाडौं : सहकारी संघ/संस्थाले वि.सं. २०७९ सालको भित्ते पात्रो (क्यालेण्डर) प्रकाशन गर्न अनिवार्य स्वीकृती लिनुपर्ने भएको छ ।
नेपाल पञ्चाङ्ग निर्णायक विकास समितिबाट स्वीकृती लिएपछि मात्रै पात्रो प्रकाशन पाउने र मूल्य समेत निर्धारण गरिएको छ ।
अब सहकारी संघ/संस्थाले पात्रो प्रकाशन गर्न चाहेमा कम्तीमा ५ हजार रुपैयाँ विकास समितिमा बुझाउनु पर्नेछ । समितिको बैंक खातामा ५ हजार रुपैयाँ बुझाएको भौचर र निवेदन पत्र लिएर गएपछि मात्रै पात्रो प्रकाशनको स्वीकृती प्राप्त गर्न सकिनेछ ।
उक्त रकम मूल्य निर्धारण नगरिएको पात्रोमा मात्र सिमित हुनेछ । यदी म्युल्य निर्धारण गरिएको अवस्थामा भने १० हजार रुपैयाँ बुझाउनु पर्ने हुन्छ ।
समितिले बजार अनुगमन समेत गरिरहेको र यदी स्वीकृती विना पात्रो प्रकाशन गरेमा कारबाही समेत हुने समितिका कार्यकारी निर्देशक सूर्यप्रसाद ढुंगेलले जानकारी दिनुभयो ।
समितिबाट स्वीकृत प्राप्त भनेर पनि पात्रोमा लेख्नुपर्ने हुन्छ । प्रकाशित पात्रोको तीन प्रति समितिको कार्यालयमा समेत अनिवार्य बुझाउनु पर्ने जनाएको छ ।
SORCE http://janabalcooperative.com.np/